Gjatë dy seancave të Kundalini yoga me Suadën, përjetova diçka jashtëzakonisht transformuese, pothuajse të pashpjegueshme. Që nga frymëmarrjet e para dhe lëvizjet e trupit, ndjeva një energji të butë, por të fuqishme që filloi të zgjohej brenda meje, sikur diçka e bllokuar po zgjidhej dalëngadalë. Çdo pozicion, çdo mantra, dukej sikur çlironte një pjesë të mendjes sime, dhe pak nga pak, brenda meje u vendos një qetësi e papërshkrueshme.

Të vërteta të fshehura, ndjenja të pathëna dhe një qartësi e papritur për disa aspekte të jetës sime u shfaqën pa mundim.Kjo praktikë më ndihmoi të çlirohem nga disa tensione të brendshme, jo vetëm fizike, por edhe emocionale.

Në fund të seancave u përfshiva nga një qetësi e thellë, ndihesha sikur isha rilidhur me një pjesë thelbësore të vetes, një hapësirë paqeje dhe të vërtetash që ndoshta i kisha humbur! 

Para se të nisja këtë udhëtim, mendja ime e programuar i rezistonte të panjohurës, duke më paraqitur ankthin si pengesë. Me Suadën u ndjeva e sigurt ta dorëzoja veten ndaj të panjohurës, vetëm për të zbuluar fuqinë e madhe që jetonte brenda meje, por që fshihej pas ankthit. Sot, yoga është bërë pjesë integrale e jetës sime dhe më ndihmon të zhytem në çdo cep të qenies sime. Aktualisht, jam duke u trajnuar për t’u bërë mësuese e yoga dhe meditimit , dëshira ime më e madhe është të ndihmoj sa më shumë njerëz të zbulojnë fuqinë e tyre të brendshme. Jam pafundësisht mirënjohëse për këtë transformim

rajnimi ka qenë një përvojë e pazëvendësueshme në rrugëtimin tim të punës me veten, por edhe në profesionin tim si psikologe dhe psikoterapiste.

Në aspektin personal, më ka ndihmuar të zhvilloj edhe më tej inteligjencën emocionale dhe të rris aftësitë për të rregulluar emocionet e mia. Kam krijuar një lidhje më të fortë midis emocioneve dhe pjesëve të ndryshme të trupit tim, duke ndërtuar kështu një inteligjencë më të thellë rreth gjuhës trup-mendje. Niveli i stresit të përditshëm është ulur, kujdesi për shëndetin dhe mirëqenien time është rritur, dhe ndihem më e pranishme në gjithçka që bëj. Kam mësuar të vëzhgoj mendimet e mia pa i gjykuar.

Në aspektin profesional, empatia ime është thelluar edhe më shumë, gjë që më afron me klientët e mi duke krijuar për ta një hapësirë të sigurt dhe mbështetëse, ku mund të eksplorojnë mendimet dhe ndjenjat e tyre pa u ndjerë të paragjykuar në asnjë moment.

Së fundmi, por jo më pak e rëndësishme, kombinimi i seancave psikoterapeutike me joga dhe meditim ka sjellë përfitime të shumta, duke përfshirë edhe përmirësime në rezultatet profesionale dhe financiare.